irene_girl on Xanga

Weblog

Tuesday, 28 October 2008

今日放學坐巴士返屋企,同愚婆講完電話諗住o係車度訓一陣,
就有一個傻佬(大約23-25歲)坐左係我隔離(我坐近窗口位).
佢一坐低就係咁講野,我以為佢另外果邊隻耳帶左個headphone就不以為然啦!
但我聽到佢不停重覆咁講同一番說話,仲要好大聲咁講:
"媽咪,聽日叫我起身,我要沖涼,我要食飯,聽朝8點前要落去,搭45號車"
"ok,byebye, ok,byebye, ok,byebye....."
呢兩句說話佢梅花間竹咁重覆講,連我都識背啦!
佢有時又望去窗口,我幾驚佢挨過來呀!
我已經坐到靠住個窗,避免佢掂到我.
原本話想訓一陣, 宜家比佢搞到我唔敢訓.
我想轉位,但車上又坐滿晒人,無位坐.
突然都唔知佢係唔係講到興起,
舉起隻手,大聲咁話:"ok,得,得得,"
上層個個人都望住佢,
就連坐我前面的細路女都驚左佢,佢阿媽要攬住佢.
我果陣都好驚,啦啦聲走落下層企都唔想坐佢隔離,都唔知佢會做d咩事出來!
當我企係身要落去時,佢突然走去幫我禁落車鐘.......=.="
我以為落左下層, 就會無事啦!
點知我落去無幾耐, 就見到佢又走左落黎,仲企左係我隔離T_T
佢見到我個樣好驚訝咁, 以為佢跟住就會落車啦!
點知佢唔係落!
我當時好驚丫,咁咪盡量行遠d,但車上人多又迫,我行唔到,
等d人落左車我先可以行遠d避開佢.
佢落左來足足過左4個站,佢先落車,仲要係早我一個站落=.="
原來我同佢係住得咁近......好驚下次坐車又會見到佢!!@@
真係嚇死我啦!

Monday, 20 October 2008

我以為我可以堅強,但原來我是多麼的脆弱.
我以為我可以忘記,但現實的我卻做不到.
我試著躲避你,但我的眼睛和心卻不聽指示.
我想,真正控制得到的情感,絶不會是真愛.
愛情是一道傷口........
沉默是我最後溫柔

Wednesday, 08 October 2008

現在是香港時間凌晨5點半,
你地係咪想知道為何小女子咁早起身打日記呢?
因為我成晚訓極都訓唔到,眼光光望天光,所以就決定唔訓啦!
我第一次咁早上網ja~~~~~
由於夜晚8點幾飲完咖啡又飲奶茶,搞到宜家訓唔到啦!>_<
成晚不停打哈欠,但卻訓唔到=.="好慘!!!~~
一陣8點半要返學,6點幾一定要起身,我話過唔可以再遲到,
今日咁早就起身實唔會遲到啦!!!
不過一陣返學就會帶埋一樣野返學!
就係一對熊貓眼!@.@"
望住塊鏡都嚇親自己,對眼腫成咁!救命~
講講下,好肚餓tim!要刷牙然後搵野食啦!

Monday, 06 October 2008

今日返學又再遲到啦!!好樣衰呀!成班得我一個遲到>_<
返到ive等lift,但部lift鬼死咁慢......
so我就一支箭跑上4樓~救命!累死我.....
上到去搵極都搵唔到A406,原來係內有乾坤的!!
唉~早知講起就樣衰啦~!!!!>_<
我發誓下次唔可以再遲到.....不過都唔知做唔做到,keke~~~
今日marketing取消左唔使上,便同carol,david,鴻仔,家寶連同5人一齊去食譚仔.
諗起就真係搞笑!我都未見過人食辣野食到咁搞笑架!@@
鴻仔食到猛咁留汗,家寶就係咁眨眼,變左對電眼,向住我地掃射~~
真係笑死我地3個^O^
哈~david真係食得好多野!唔知佢最高可以食到幾多小辣呢?
食完野之後,得返我同carol去行街!
我發覺葵涌廣場d野仲好過旺中,起碼行都易行d啦!唔使咁多人咁迫~
下次放學得閒可以再來逛逛!
今次收獲豐富^_^
買了兩對耳環,一對鞋同一件衫~呵呵

Saturday, 04 October 2008

今日去左大棠個歷奇訓練營.
早上行山唔累,但太陽好曬曬到我頭痛.
下午食完飯就要去爬繩網.
第一次爬,仲要係爬個竹梯,搖搖晃晃的......
但都爬左4級(頭兩級係有人幫)....
搞到對手又痛,對腳又瘀晒......
最慘就係我對手又甩皮啦.....
之前去完長隆游水曬左成日甩完皮之後,
都未完全好返今日又再甩皮...........>_<
我唔想再黑啦!!~夠啦!!~要休養一段時間先得@_@

Tuesday, 19 August 2008

原來我是一個蠢女人

今日3點45分我收到一個短訊,我還以為是誰,原來是我男朋友.
我打開,是一封很長很長的訊息.
看完之後,我的心好痛好痛,好想喊!
原來我是一個又蠢又自私的女人,
我只係識諗自己,沒有諗過他......
當我睇完個訊息,就即刻打返電話比他.
但我打去只是聽到"你打的電話已關機......"
此刻我才知道這是一封遲來的訊息,足足遲了四日.....
原來他未回來,他人仍在大陸.
此刻我真的好掛住他,好掛住他~
好想攬住他,對他說聲"對不起,請你原諒我!"

我不懂去做人地的女朋友,
更加不懂去做一個細心體貼的女朋友,
我覺得自己好失敗!!!

我決定要好好計劃慶祝8月31日我地拍拖兩週年的紀念,
我要好好補償他!!!

Monday, 28 July 2008

今晚親自下廚煮左幾碟送比老公食,
食到我同老公都好飽.
雖然今次煮得唔算好,不過老公話值85分,嘻嘻....^_^
今晚我真係好開心!!~多謝你呀老公!

呢個係我前幾日整ge藍莓cheese cake,
整左兩次,第一次整得唔錯,但第二次就整得甜左d.....
下次整咩蛋糕好呢??

Sunday, 20 July 2008

今日同加玲去左wave salon電髮+顏色+焗油+洗剪吹.
我用左$428的組合,加玲用左$338的組合.
我覺得幫我整頭髮的stylist同junior幾好,
但加玲就非常唔滿意佢個stylist,仲話下次唔會再黎呢間tim~
今次係我有史以來第一次染頭髮,仲要染左一個金金地啡啡地,
完全唔認得呢個係自己,加玲仲話望住我個身影都唔認得我了....
死啦~!咁華華見到我之後會點呢??會唔會唔認得我呢??
我宜家呢個頭髮同我心目中想要的仲要淺仲要sharp,
我諗要一個星期先會接受到宜家個樣....
比你地睇下我宜家個樣變成點啦!

呢d相我係用手機映的,映得唔太清楚,比較暗....
真人頭髮仲要sharp......如果有人在街上撞到我都唔認得係我了!~~~T_T